PT-Oddveig: "DER" var kvardagen

Sommaren 2014 går mot slutten, og kvardagen byrjar igjen. Litt tungt første dagane på jobb, men ufattelig herleg og. Sjølv om det går mot mørkare tider, er det ingenting som er betre, spørr du meg. Eg elskar hausten !!! Det å koma seg inn i rutinar igjen, ny motivasjon for å trene bort dei ekstra sommar kiloane, sette seg nye mål, kjenne den friske haust lufta som vi er så heldige å ha her i Norge. Vi har moglegheiten til å gå i fjellet, nyte dei vakre haustfargane, byrja med å kveike stearinlys på kveldane…. Ja, lista er mykje lenger, men eg har nevnt dei viktigaste.

I august og september byrjar treningsstudioene å bli fulle. Til irritasjon for nokon, men eg tenkjer; så utrulig bra. Ingenting er betre enn at folket tek tak i eiga helse og byrjar trene. Berre denne motivasjonen fortset utover, og i det lange løp. Det hadde vore positivt for helse Norge. Så folkens, det er på tide å setje seg nye mål for treninga og utover hausten, realistiske og draume mål. Eg har to nye mål denne hausten, som eg har stor tru på at eg skal klare. Og så har eg eit langsiktig/draume mål. Det får eg sjå på om eg klarar.

Eg oppfordrar alle til å setje seg ned i kveld og skrive ned minst 3 mål ein vil oppnå med treninga og kosthaldet. Tenk gjennom korleis du vil nå måla dine, og start allereie i morgon. Det medfører oftast at rutinar/vanar må forandras, men det er det som må til. Ta dei treppene, i staden for heisen. Stå opp ein time før på morgonen, ein gang i veka, og gjer unna treninga… Det er små grep som skal til for å få det til. Skriv måla dine på eit ark i prioritert rekkefygje. Du kan ramme det inn slik at det er blir forbunde med noko positivt, og heng det på kjøleskapet. Prøv !! Det funka for meg :)

Min ferie er over. Siste veka var eg i Barcelona med Sigrid, og vi la fine planar for framtida vår, og spesielt i haust. Eg og Sigrid skal nemleg begynne på eit nytt prosjekt saman :) Nedanfor har eg lagt ut nokon fine ferieminner fra Barcelona.